«Фридом Брокер» менен «РКФР» ортосунда 20 млн АКШ доллары суммасындагы аталыштуу пайыздык облигацияларды чыгарууну андеррайтинг кылуу боюнча келишим түзүлдү

«Фридом Брокер» менен «РКƟФ» ортосунда 20 млн АКШ доллары суммасындагы аталыштуу пайыздык облигацияларды чыгарууну андеррайтинг кылуу боюнча рамкалык келишим түзүлдү.

«Фридом Брокер» Кыргызстан компаниясынын директору Медетбек Назаралиев Кыргыз Республикасынын 2030-жылга чейинки Улуттук өнүгүү программасын ишке ашырууда банк секторунун ролуна арналган ишкердик эртең мененки жолугушууга катышты. Иш-чараны Россия-Кыргыз Ɵнүгүү Фонду (РКƟФ) уюштурду.

Жолугушуунун алкагында «Фридом Брокер» менен  РКӨФ ортосунда 20 млн АКШ доллары суммасындагы аталыштуу пайыздык облигацияларды чыгарууну андеррайтинг кылуу боюнча рамкалык келишимге кол коюлду. Чыгарылыш 100 АКШ доллары номиналындагы 200 000 облигацияны жылдык 3,5% чен менен жайгаштырууну карайт. «Фридом Брокер» баалуу кагаздарды жайгаштырууну уюштуруу жана коштоп жүрүү милдеттенмесин өзүнө алат.

Программа каржылоо булактарын диверсификациялоого жана узак мөөнөттүү ресурстарды тартууга багытталган.

Ишкердик эртең мененки жолугушууга мамлекеттик органдардын, банк секторунун жана бизнес коомчулугунун өкүлдөрү катышты. Программанын алкагында эксперттик жана банк коомчулугунун өкүлдөрү баяндама жасашты.